BAB XXI PAKASA PANG BLITAR

 BAB XXI

PAKASA PANG BLITAR

1.

Pangkur

Blitar ngumandhang kawentar, 

Wiwit jaman Karaton Majapahit, 

Jeng Sinuwun Hayamwuruk, 

Rekyana Gajah Mada, 

Patih ulung mrantasi pakaryan luhung, 

Mbangun Candi Penataran, 

Minangka puja semedi. 

2.

Pucung

Gunung Kelud mranani jiwa kepilut, 

Banjir lahar besar, 

Awu mabur ing wiyati,

Sung nugraha maweh suburing bantala.

3.

Gambuh

Brawijaya raja gung, 

Maca kidung ndhawuhi tetulung, 

Majapahit kalis rubeda sesakit, 

Suka sukur mring leluhur, 

Penataran kapinujon. 

4.

Mijil

Kali Brantas toya banter mili, 

Ing saenggon enggon, 

Badher tawes dhendheng wader lele, 

Welut urang gurameh mujair, 

Tiyang Blitar mancing, 

Kanggo golek lawuh.

5.

Kinanthi

Kediri Daha Panjalu, 

Kraton Jenggala prayogi, 

Sabda Prabu Kameswara, 

Ratu Galuh Sekartaji,

Tumedhak ing kutha Blitar, 

Saperlu rembag negari. 

6.

Asmarandana

Kinucap kraton Kediri, 

Jangka Prabu Jayabaya, 

Tanah Jawa sabukan rel, 

Dalane kereta Landa, 

Lunga teka ngumbar swara, 

Sinebut wahana sepur, 

Tiyang Blitar nganthi sabar. 

7.

Maskumambang

Bebrayan ing Blitar seneng olah seni, 

Pakasa ngreksa kagunan, 

Kagem betahing batin, 

Nanggap tayub kentrung wayang.